Avviżi – 30.06.2024 – It-13-il Ħadd ta’ matul is-Sena
- Il-Ħamis 04/07:
- Fis-7.00pm ikollna mument ta’ adorazzjoni quddiem Ġesu’ sagramentat fil-Knisja.
- Il-Ġimgħa 05/07, l-Ewwel Ġimgħa tax-xahar:
- Filgħodu jsir it-tqarbin tal-morda fi djarhom;
- Fit-8.30am u fis-5.45pm ikollna servizz ta’ qrar.
- Filgħaxija ser ikollna Lejla Maltija għall-familja kollha, attivita’ li tinkludi ikel Malti u tombla. Din ser issir fil-pjazza ħdejn il-Knisja. Booking sal-Ħamis filgħaxija mis-sagristija jew kif avżat fil-paġna ta’ facebook ’Festa Santa Marija – Ħad-Dingli’.
- Il-Ħadd 07/07:
- Ikun l-ewwel Ħadd ta’ Lulju u nagħmlu l-ġabra speċjali għall-ispejjeż tal-manutenzjoni tal-Knisja.
- Avviżi oħra:
- Il-Knisja tibqa’ d-Dar ta’ Alla s-sena kollha. Għalhekk għandna naraw li l-ilbies u l-imġieba tagħna jkunu jixirqu dejjem lil dan il-post sagru.
- Il-Ġimgħa 05/07, ser issir ċ-ċelebrazzjoni tal-għeluq tal-inkjesta djoċesana fil-kawża tal-beatifikazzjoni u l-kanonizzazzjoni tal-Qaddejja ta’ Alla, Henry u Inez Casolani. Dan ser isir fil-Knisja Parrokkjali ta’ Santu Wistin, il-Belt. Fis-6.15pm issir l-għeluq tal-inkjesta u wara tiġi ċċelebrata quddiesa ta’ radd il-ħajr lil Alla. Kulħadd mistieden.
- Infakkru li l-Grupp Familji Nsara Sagra Familja tal-parroċċa qed jorganizza edizzjoni oħra tal-Premju Joseph Lowell għall-Familja. Dan il-premju jingħata kull sena lil xi persuna jew familja fil-parroċċa tagħna li qed iwettqu ħidma fost il-familji, anke fis-silenzju. Nominazzjonijiet għal dan il-premju bid-dettalji kollha għandhom jingħataw lill-Arċipriet. Ir-rebbieħ jitħabbar f’Jum il-Familja, fil-ġimgħa tal-festa ta’ Santa Marija.
- Matul din il-ġimgħa daħlu:
- € 680 bħala “l-Offerta ta’ San Pietru”, jiġifieri offerta b’risq l-għotjiet ta’ karità li jagħmel il-Papa; u
- € 592 mir-raffle organizzat mill-Abbatini u Dun Christopher Bugeja, b’risq il-Missjoni fil-Peru’ ta’ Dun Raymond Portelli. Grazzi.
Ikkummenta