Avviżi – 08.09.2024 – Is-Solennità tat-Twelid tal-Madonna
- Illum 08/09:
- Fis-6.00pm minn ħdejn l-għassa jitlaq it-trasport għal dawk li nkitbu għall-ħarġa għall-festa ta’ Maria Bambina fil-Mellieħa.
- It-Tnejn 09/09:
- Fl-10.00am – Radju Marija se jorganizza quddiesa fil-Knisja tagħna, u wara Pellegrinaġġ għaċ-Ċimiterju fejn jinsabu mistrieħa l-fdalijiet taż-żagħżugħ Rabti, Gilbert Simiana. Imexxi Fr Antoine Borg, Direttur ta’ Radju Marija. Kulħadd mistieden.
- It-Tlieta 10/09:
- Fis-7.15pm – Laqgħa tal-Kunsill Pastorali Parrokkjali fiċ-Ċentru.
- Il-Ħamis 12/09:
- Fis-7.00pm – Wara l-quddiesa jkollna adorazzjoni quddiem Ġesu’ sagramentat.
- Il-Ġimgħa 13/09:
- Fis-7.15pm – Il-Kumitat Festa Esterna ser jorganizza Lejla Maltija, li tinkludi tombla u ikel Malti, fil-pjazza ħdejn il-Knisja bħala għeluq tal-attivitajiet tas-Sajf. Jekk it-temp ma jippermettix, l-attivita’ ssir fis-sala taċ-ċentru. Kitba fis-sagristija jew mill-paġna ta’ facebook ‘Festa Santa Marija – Dingli’.
- Il-Ħadd 15/09:
- Ikun Jum l-Art Imqaddsa. Il-ġbir fil-quddies ser imur biex jgħin lill-Patrijiet Franġiskani fil-ħidma li jwettqu biex iħarsu l-postijiet sagri marbuta ma’ ħajjet Ġesu’ u l-Madonna.
- Il-Kunsill Lokali ser ifakkar Jum Ħad-Dingli. Fid-9.30am tiġi ċċelebrata quddiesa fil-knisja bis-sehem tal-membri tal-Kunsill Lokali. Kulħadd mistieden.
- Il-Ħamis 19/09:
- Se jiġi organizzat JESUS FEST għat-tfal kollha. Nibdew fis-6.30pm b’quddiesa ta’ tmiem is-sajf fil-grawnd tal-M.U.S.E.U.M. tas-subien u wara jkollna logħob u xi ikel.
- Avviżi oħra:
- Fl-aħħar ġimgħa ta’ Settembru u l-bidu ta’ Ottubru tibda s-sena tad-duttrina għat-tfal li jattendu fl-oqsma tal-M.U.S.E.U.M. tal-parroċċa tagħna. Ġenituri li għandhom ulied li se jirċievu l-Ewwel Tqarbina u l-Griżma tal-Isqof fis-sena li ġejja (2025), għandhom jiġbru 2 formoli mingħand is-superjuri u wara li jimlewhom jgħadduhom lis-superjuri mill-aktar fis flimkien ma’ ċertifikat tal-Magħmudija li jinkiseb mill-Uffiċċju Parrokkjali tal-knisja fejn irċevew dan is-sagrament. Dawk li ser ikun hemm xi tibdil fejn jattendu d-duttrina, mitluba jinfurmaw lis-superjuri wkoll.
- Il-formoli tar-reġistrazzjoni jistgħu jinġabru:
- – Mill-M.U.S.E.U.M. tas-Subien: nhar it-Tnejn u l-Ħamis bejn is-6.00pm u s-7.30pm; u
- – Mill-M.U.S.E.U.M. tal-Bniet: nhar it-Tnejn u t-Tlieta bejn is-6:30pm u t-8:00pm;
- Jekk ikun hemm min għandu xi diffikultà jkun jista’ jagħmel appuntament f’ħin ieħor.
- Matul din il-ġimgħa daħlu:
- € 605 mill-ġabra speċjali b’risq il-manutenzjoni tal-knisja;
- € 75 f’donazzjonijiet b’risq l-istess għan;
- € 50 bħala donazzjonijiet għall-gandlieri l-ġodda. Grazzi.
- Nitolbu għal ruħ Jane Attard li għaddiet għal ħajja ta’ dejjem. Agħtiha, o Mulej, il-mistrieħ ta’ dejjem . . .
Ikkummenta