Avviżi - 27.10.2024 - Parroċċa Ħad-Dingli

Avviżi – 27.10.2024 – It-30 Ħadd ta’ matul is-Sena

Illum 27/10, Jum l-Anniversarju tal-Konsagrazzjoni tal-Knisja (nhar is-26 ta’ Marzu 1939 mill-Isqof Mikiel Gonzi) u Jum il-Griżma tal-Isqof:
- Fil-quddiesa tad-9.30am jiġu nċensati s-slaleb tal-konsagrazzjoni.
- Mil-lum il-quddiesa tal-Ħadd filgħaxija tibda tkun fl-4.30pm, (mhux fil-5.00pm); u
- Fl-4.30pm – Quddiesa li fiha 43 adolexxent – 22 subien u 21 bniet – mill-parroċċa tagħna se jirċievu s-sagrament tal-Griżma tal-Isqof.
Il-Ħamis 31/10:
- Fis-7.00pm jkollna mument ta’ adorazzjoni quddiem Ġesu’ sagramentat fil-Knisja.
Il-Ġimgħa 01/11, Solennità tal-Qaddisin kollha, l-74 anniversarju tad-Domma tal-Assunta u l-Ewwel Ġimgħa tax-xahar:
- Filgħodu jsir it-tqarbin tal-morda fi djarhom;
- Fit-8.30am u fis-5.45pm ikollna qrar fil-Knisja.
- Tkun ħaġa sabiħa li dakinhar nieħdu sehem fil-quddiesa, bil-ħinijiet ikunu bħal matul il-ġimgħa.
- Il-Kummissjoni Tfal Dinglin qed jistiednu lit-tfal kollha biex fil-5.00pm jinġabru ħdejn il-knisja u wara jduru xi toroq jiġbru xi donazzjonijiet u ħelu għal Dar Fra Diegu. Dawk li jixtiequ li t-tfal iħabbtulhom ipoġġu xemgħa mixgħula fit-tieqa u santa/statwa ta’ xi qaddis.
- Fis-6.30pm – Quddiesa animata mill-Kor Parrokkjali u bis-sehem tat-tfal li jkunu ħadu sehem fl-attività.
Is-Sibt 02/11, ikun l-Għid tal-Imwiet, meta aħna mħeġġin nitolbu għal ħutna l-mejtin.
- Filgħodu, il-quddies ikun f’dawn il-ħinijiet: fis-6:00am, fis-6:45am, u fis-7:30am.
- Filgħaxija, il-quddiesa tas-6.30pm tkun konċelebrazzjoni u animata mill-Kor Parrokkjali.
- F’Novembru kollu ċ-ċimiterju jkun miftuħ kuljum mis-7.30am sal-4.00pm. Iż-żjarat tagħna fiċ-Ċimiterju għandhom ikunu mument ta’ talb, rispett u ġabra. Importanti wkoll li tinżamm l-indafa.
- Il-Kumitat Festa Esterna ser jorganizza Pie Day, bl-ikel jitwassal direttament fid-djar fil-ħin ta’ nofsinhar jew filgħaxija. L-ordnijiet jintlaqgħu sa nhar il-Ħamis fis-sagristija jew fuq il-paġna ta’ facebook ‘Festa Santa Marija – Ħad-Dingli’.
Il-Ħadd 03/11:
- Minn fuq iz-zuntier ser ikollna bejgħ ta’ ħelu Malti.
- Fl-4.00pm jkollna Pellegrinaġġ mill-Knisja saċ-Ċimiterju; u
- Fl-4.30pm – Quddiesa fiċ-Ċimiterju li fiha jsir it-tberik tal-oqbra.
- Il-ġbir fil-quddiesa tas-Sibt u l-Ħadd li ġej ikun il-ġabra speċjali tal-ewwel Ħadd ta’ Novembru. L-offerti tagħna ser imorru biex jgħinu fl-isforzi tal-parroċċa li żżomm iċ-Ċimiterju fi stat tajjeb. Fl-aħħar ġimgħat sar xogħol ta’ żbir ta’ siġar li kienu qed jostakolaw passaġġi, tisħiħ tas-sigurtà tal-post u qed naħdmu biex fl-ewwel xhur tas-sena d-dieħla jinbidlu l-kaptelli tat-tielet kwart tal-oqbra tal-komun. Grazzi lil min wettaq ix-xogħol, lil dawk li jagħtu daqqa t’id b’mod volontarju u lil min jgħin b’donazzjonijiet biex nieħdu ħsieb dan il-post għażiż.
Avviżi oħra:
- L-intenzjonijiet għall-quddiesa tas-sena d-dieħla b’suffraġju għall-familjari, qraba, u ħbieb mejtin tagħkom se jintlaqgħu b’formoli li jistgħu jinġabru minn fuq il-mejda tal-offerti min-nhar is-Sibt li ġej. Il-formoli tistgħu teħduhom, timlewhom id-dar, iġġibuhom il-Knisja u tħalluhom f’envelope magħluq fil-kaxxa li hemm fuq il-mejda tal-offerti. Kollox ser ikun spjegat fil-formoli. Min ikollu xi diffikulta’ jista’ jkellem lill-Arċipriet.
- Il-Ġimgħa 08/11: Fis-6.30pm jkollna quddiesa u wara attività għall-Irġiel: Ikla għand Taċ-Ċanti f’Ħaż-Żebbuġ. Booking mis-sagristija jew fuq il-paġna ta’ facebook tal-parroċċa sal-Erbgħa 06/11. Inħeġġu lill-irġiel jattendu u jistiednu ħbieb tagħhom ukoll biex jiġu.
Matul din il-ġimgħa daħlu:
- € 1,077 li kienu l-ġbir fil-quddies tal-Ħadd li għadda għalll-Missjoni;
- € 23 bħala donazzjonijiet b’risq il-missjoni mill-envelopes;
  - Min għadu ma tax l-envelop bid-donazzjoni tal-missjoni, jekk jogħġbu jibagħtu bil-posta jew iġibu matul din il-ġimgħa u jitfgħu fil-kaxxa fuq il-mejda tal-offerti ħalli nkunu nistgħu nibgħatuhom.
- € 15 bħala donazzjonijiet b’risq il-manutenzjoni tal-knisja. Grazzi.