Avviżi – 29.12.2024 – Festa tal-Familja Mqaddsa
- Illum 29/12, il-Knisja f’Malta tagħti bidu għall-Ġublew 2025 bit-tema ”Pellegrini tat-Tama”:
- Fil-5.00pm tibda purċissjoni mill-Grotta ta’ San Pawl fir-Rabat għall-Katidral fl-Imdina fejn fis-6.00p.m. Monsinjur Arċisqof Charles J. Scicluna imexxi quddiesa. Kulħadd mistieden.
- It-Tnejn 30/12: nagħtu bidu għall-Kwaranturi.
- Il-Knisja tkun miftuħa bejn it-8.00am sal-ħin tal-quddiesa tas-6.30pm u jkollna lil Ġesu’ Sagramentat espost għal adorazzjoni personali. Inħeġġukom tiddedikaw ħin biex tiġu l-Knisja tressqu t-talb personali, waqt li nitolbu wkoll għall-familji u l-parroċċa tagħna u għall-paċi fid-dinja.
- F’dawn il-jiem il-kappella tal-Adorazzjoni tkun magħluqa.
- It-Tlieta 31/12:
- It-tieni u l-aħħar jum tal-kwaranturi – Mit-8:00am sa qabel il-quddiesa ta’ filgħaxija l-Knisja tkun miftuħa għal aktar ċans ta’ talb u adorazzjoni quddiem Ġesú Sagramentat.
- Bejn il-5.30pm u s-6.15pm ikollna servizz ta’ qrar fil-Knisja.
- Fis-6.30pm nistedinkom biex nagħlqu s-sena flimkien biċ-ċelebrazzjoni tal-quddiesa li fiha nroddu ħajr lil Alla għall-2024 u għat-346 sena mit-twaqqif tal-parroċċa tagħna. Fi tmiem il-quddiesa jitkanta t-Te Deum, u tingħata l-Barka Sagramentali.
- L-Erbgħa 01/01, is-Solennità ta’ Marija Omm Alla u Jum il-Paċi.
- Għandna l-obbligu li nieħdu sehem fil-quddiesa u għalhekk il-ħinijiet tal-quddies ikunu bħal tal-Ħadd, b’dik ta’ filgħaxija tkun fil-5:00pm.
- Il-ġbir fil-quddies ikun strina għas-sagristana li huma volontiera.
- Il-Ġimgħa 03/01, l-Ewwel Ġimgħa tax-xahar:
- Filgħodu jsir it-tqarbin tal-morda fi djarhom;
- Fit-8.30am u fis-5.45pm ikollna qrar fil-Knisja.
- Fis-7.00pm qed nistiednu lil kull min jagħti servizz volontarju fil-parroċċa għal mument ta’ radd il-ħajr fil-M.U.S.E.U.M. tal-bniet.
- Is-Sibt 04/01:
- Il-Knisja f’Malta qed tistieden lil dawk li żżewġu matul din is-sena għal quddiesa fil-5.30pm fil-Kon-Katidral ta’ San Ġwann. Imexxi Monsinjur Arċisqof Charles J. Scicluna.
- Il-Ħadd 05/01, is-Solennità tal-Epifanija tal-Mulej.
- Fid-9.15am issir purċissjoni qasira flimkien mal-Maġi mill-Kappella tal-Adorazzjoni tal-Oratorju Salesjan lejn il-Knisja, u fid-9.30am tibda l-quddiesa. Mistiedna b’mod speċjali il-ġenituri u uliedhom, flimkien ma’ dawk li ġew joqgħodu ġodda fil-parroċċa tagħna.
- Avviżi oħra:
- L-Uffiċċju Parrokkjali jerġa’ jiftaħ it-Tlieta 07/01.
- Dawk li għadhom ma tawx id-donazzjoni għad-Dar tal-Providenza bħala parti mill-Kampanja “Minn Qalbna lill-Anġli” jistgħu jħallu l-envelope bid-donazzjoni tagħhom fil-kaxxa li hemm fuq il-mejda tal-offerti. Id-Dar tal-Providenza qed tistieden lil kulħadd biex fl-ewwel jum tas-sena jżur id-dar waqt Open Day. Il-flus miġbura mill-parroċċa tagħna se jiġu ppreżentati filgħaxija waqt l-istess Festa ta’ Ġenerożità.
- Il-biljetti tal-lotterija organizzata mill-Kumitat Festa Esterna qed jintlaqgħu sas-Sibt 04/01 fil-kaxxa fuq il-mejda tal-offerti. Il-lotterija titla’ l-għada, il-Ħadd.
- Matul din il-ġimgħa daħlu:
- € 115 bħala donazzjonijiet b’risq il-manutenzjoni tal-knisja. Grazzi.
- Nitolbu għal ruħ Charles Azzopardi li għadda għal ħajja ta’ dejjem. Agħtih, o Mulej, il-mistrieħ ta’ dejjem …
Ikkummenta