Avviżi – 19.01.2025 – It-2 Ħadd ta’ matul is-Sena
- Illum 19/01:
- Fil-parroċċa tagħna niċċelebraw Jum l-Isem Imqaddes ta’ Alla. Minn wara l-quddiesa tal-11.00am sa’ qabel il-quddiesa tal-4.30pm jkollna lil Ġesu’ Sagramentat espost għal adorazzjoni personali fil-Knisja. Inħeġġiġkom tiġu tfaħħru isem il-Mulej, titolbu għall-bżonnijiet tagħkom, u b’riparazzjoni għad-dagħa.
- It-Tlieta 21/01:
- Fid-9.30am – Laqgħa oħra tal-Grupp tan-Nisa ‘Magnificat’ fiċ-Ċentru Parrokkjali. Din id-darba l-kelliem ser ikun Fr Ray Pace, Ġiżwita, dwar in-network għat-talb skont l-intenzjoni tal-Papa. Kulħadd mistieden.
- Fis-7.15pm – Jiltaqa’ l-Kunsill Pastorali Parrokkjali fiċ-Ċentru.
- Il-Ħamis 23/01:
- Fis-7.00pm jkollna moment ta’ adorazzjoni quddiem Ġesu’ sagramentat.
- Il-Ġimgħa 24/01:
- Jibda t-Tberik tal-Familji, bl-ewwel parti tibqa’ għaddejja sal-aħħar ta’ Frar u mbagħad inkomplu wara l-Għid. Din is-sena wkoll l-Arċipriet u s-saċerdoti qed jidħlu għal dan l-impenn li jżuru u jbierku d-djar kollha tal-parroċċa tagħna. It-tberik isir mill-4.30pm ‘il quddiem u nhar il-Ġimgħa se nibdew bid-djar fi Triq il-Knisja u Triq il-Parroċċa. Il-familji fejn ser isir it-tberik fix-xahar li ġej se jirċievu programm u dettalji fi djarhom.
- Is-Sibt 25/01:
- Il-Kumitat Festa Esterna se jorganizza Pie Day, bl-ikel jitwassal dirett fid-djar f’nofsinhar jew filgħaxija. Kitba sal-Ħamis li ġej (23/01) fis-sagristija jew b’messaġġ fuq il-paġna ta’ facebook “Festa Santa Marija – Ħad-Dingli”.
- It-Tlieta 28/01:
- Il-Grupp tan-Nisa ‘Magnificat’ ser jorganizza ħarġa għal Lascaris War Rooms, fil-Belt, u wara kafe’/te l-Barrakka ta’ fuq. Kitba għand il-membri tal-grupp.
- Matul din il-ġimgħa daħlu:
- € 110 bħala donazzjoni b’risq il-manutenzjoni tal-knisja. Grazzi.
- Nitolbu għal Karmenu Micallef, li għadda għal ħajja ta’ dejjem. Agħtih O Mulej il-mistrieħ ta’ dejjem . . .
Ikkummenta