Avviżi – 22.06.2025 – Il-Ġisem u d-Demm ta’ Ġesù – Corpus Christi
- Illum 22/06, il-Ġisem u d-Demm ta’ Ġesù – Corpus Christi:
- Minn wara l-quddiesa tal-11.00am sa’ qabel il-quddiesa ta’ filgħaxija, il-knisja ser tkun miftuħa għal ħin ta’ adorazzjoni personali quddiem Ġesu’ Sagramentat.
- Fil-5.00pm – Quddiesa solenni mmexxija mis-saċerdot novell, is-Sależjan, Dun Johan Bugeja. Wara, purċissjoni bis-Santissimu Sagrament bis-sehem tat-tfal tal-Ewwel Tqarbina li tgħaddi minn dawn it-toroq: il-Knisja, Ġużi Cutajar, Ġuże’ Ellul Mercer, il-Kbira u l-Parroċċa u tintemm bil-barka Sagramentali fuq iz-zuntier. Kulħadd mistieden jieħu sehem f’din il-festa tant għażiża.
- It-Tnejn 23/06, it-Tlieta 24/06, u l-Erbgħa 25/06:-
- Bejn l-4.30pm u s-7.00pm, il-fotografu tal-parroċċa ser ikun fiċ-Ċentru Parrokkjali biex jilqa’ l-ordni tar-ritratti taċ-ċelebrazzjoni tal-Ewwel Tqarbina. F’dawn il-jiem jistgħu jinġabru wkoll il-pendrives bil-filmat tal-istess ċelebrazzjoni.
- Il-Ġimgħa 27/06, Festa tal-Qalb Imqaddsa ta’ Ġesù:
- Mill-4.30pm – Ġesu’ Sagramentat ikun espost għall-adorazzjoni privata fil-Knisja.
- Fis-6.30pm – Quddiesa u wara purċissjoni bis-Sagrament bis-sehem tat-tfal tal-Ewwel Tqarbina li tgħaddi minn dawn it-toroq: Misraħ Ġuże’ Abela, Għar Bittija, il-31 ta’ Diċembru 1678, l-Irdum, il-Kbira, Daħlet is-Sienja u l-M.U.S.U.E.M. Il-purċissjoni tintemm fil-M.U.S.E.U.M. tas-Subien fejn isir l-Att ta’ Konsagrazzjoni lill-Qalb ta’ Ġesù u tingħata l-Barka Sagramentali.
- Is-Sibt 28/06:
- Mit-8.00pm ‘il quddiem – Il-Kumitat Festa Esterna jorganizza l-fiera tal-Imnarja bħala parti mill-attivitajiet li jkunu organizzati fil-Buskett.
- Il-Ħadd 29/06, Solennità ta’ San Pietru u San Pawl – L-Imnarja:
- Il-ġbir fil-quddies ikun għall-festa ta’ barra ta’ Santa Marija.
- Fis-6:00am – L-Arċipriet jiċċelebra Quddiesa b’rabta mal-Imnarja fil-Buskett, u wara l-Kumitat Festa Esterna jkompli bil-fiera tal-Imnarja sa’ nofsinhar.
- Avviżi oħra:
- L-Isqfijiet ifakkruna li bħala ċittadini aħna mitluba nagħtu l-opinjoni tagħna rigward il-proposta tad-dħul ta’ liġi li tippermetti l-Ewtanasja Volontarja Assistita. Ifakkruna wkoll li bħala Nsara, għar-raġunijiet li wasslulna fl-Ittra Pastorali tagħhom, aħna ma nistgħux naqblu ma’ din il-proposta. Għalhekk iħeġġuna biex insemmgħu l-vuċi tagħna billi niffirmaw il-petizzjoni li tinsab fil-link: oqtollugigh.org.
- Il-Ġimgħa 04/07 filgħaxija ser ikollna Lejla Maltija għall-familja kollha, li tinkludi wkoll tombla. Din ser isir fil-pjazza ħdejn il-Knisja. Booking mis-sagristija jew mill-facebook ’Festa Santa Marija – Ħad-Dingli’.
- Il-ħarġa ta’ ġurnata għal Għawdex organizzata mill-parroċċa ser issir nhar l-Erbgħa 16 ta’ Lulju u fl-ewwel Sibt ta’ Sttembru, li jkun il-weekend tal-Vitorja, se norganizzaw ġurnata Sqallija bi żjara fost oħrajn lis-Santwarju tal-Madonna tad-Dmugħ f’Sirakuża, Ortigia u Marzamemi. Kitba u dettalji mis-sagristija.
- Dawk li jixtiequ jagħmlu reklam fil-programm tal-festa ppublikat mill-parroċċa għandhom ikellmu lill-Arċipriet.
- Matul din il-ġimgħa daħlu:
- € 55 bħala donazzjonijiet b’risq il-manutenzjoni tal-knisja. Grazzi
Ikkummenta