Avviżi – 29.06.2025 – Solennità ta’ San Pietru u San Pawl
- Illum 29/06, Solennità ta’ San Pietru u San Pawl (L-Imnarja):
- Fis-6.00am l-Arċipriet jiċċelebra quddiesa fil-Buskett u l-Kumitat Festa Esterna jkompli bil-fiera sa nofsinhar.
- Dun Karm Sacco, Salesjan, jiċċelebra l-50 sena mindu sar saċerdot, filwaqt li l-Kan. Arċipriet David Farrugia jiċċelebra l-21 sena u l-Kan. Christopher Bugeja jiċċelebra 5 snin. Nifirħulhom u nawgurawlhom, u nkomplu nwiegħduhom it-talb u l-koperazzjoni.
- Il-Ħamis 03/07:
- Fis-7.00pm jkollna mument ta’ adorazzjoni quddiem Ġesu’ sagramentat fil-Knisja.
- Il-Ġimgħa 04/07, l-Ewwel Ġimgħa tax-xahar:
- Filgħodu jsir it-tqarbin tal-morda fi djarhom;
- Fit-8.30am u fis-5.45pm ikollna servizz ta’ qrar fil-Knisja; u
- Filgħaxija ser ikollna Lejla Maltija għall-familja kollha, attivita’ li tinkludi wkoll tombla. Dan ser isir fil-pjazza ħdejn il-Knisja. Booking sal-Ħamis filgħaxija mis-sagristija jew mill-facebook ’Festa Santa Marija – Ħad-Dingli’.
- Il-Ħadd 06/07:
- Il-ġbir fil-quddies ikun b’risq il-manutenzjoni tal-Knisja.
- Avviżi oħra:
- Il-Knisja tibqa’ d-Dar ta’ Alla s-sena kollha. Għalhekk għandna naraw li waqt li l-ilbies u l-imġieba tagħna jkunu jixirqu ‘l dan il-post dejjem.
- Qed nagħmlu sejħa għal abbatini ġodda. It-tfal subien li huma mħajrin – minn dawk li għamlu l-Preċett ’il fuq – jistgħu jinkitbu fis-sagristija jew jinfurmaw lill-Arċipriet jew lil Dun Christopher Bugeja.
- Il-Kumitat Festa Esterna jirringrazzja lill-Aġenzija Żgħażagħ li permezz tal-iskema Boost 2025 iffinanzjat il-maġġoranza tal-ispiża għax-xiri ta’ żewġ fridges u freezer li tpoġġew f’Dar Dun Ġwann Abela. Dan it-tagħmir ser ikun ta’ għajnuna kbira għal din l-għaqda u għaqdiet oħra tal-parroċċa li għandhom membri żgħażaġħ fl-attivitajiet li jorganizzaw biex niżguraw temperaturi adegwati għall-ikel u x-xorb skont l-ogħla standards ta’ saħħa u sigurtà.
- L-Erbgħa 16/07 ser ikollna ħarġa ta’ ġurnata Għawdex. Tluq minn Ħad-Dingli fis-7.00am. F’Għawdex ikollna quddiesa fis-Santwarju tal-Madonna Ta’ Pinu, waqfa fir-Rabat, ikel u għawm f’Marsalforn. Kitba għand il-membri tal-fund-raising.
- Din is-sena għall-festa ta’ Santa Marija Maddalena, it-Tlieta 22/07, ser ikollna magħna lill-Isqof Awżiljarju Joseph Galea Curmi li se jiċċelebra l-quddiesa minn fuq iz-zuntier tal-kappella fuq l-irdum.
- Il-Mixja tal-Festa din is-sena ser issir nhar l-Erbgħa 31/07. Minn Ħad-Dingli se nimxu sal-kappella tal-Madonna tal-Providenza fis-Siġġiewi.
- Is-Sibt 06/09, li jkun fil-weekend tal-Vitorja se norganizzaw ġurnata Sqallija bi żjara fost oħrajn lis-Santwarju tal-Madonna tad-Dmugħ f’Sirakuża, Ortigia u Marzamemi. Kitba u dettalji mis-sagristija.
- Min jixtieq jirreklama fil-ktieb tal-festa għandu jkellem lill-Arċipriet sas-Sibt li ġej.
- Matul din il-ġimgħa daħlu:
- € 700 bħala “l-Offerta ta’ San Pietru”, jiġifieri offerta b’risq l-għotjiet ta’ karità li jagħmel il-Papa. Grazzi.
- Nitolbu għal Michelina Agius li għaddiet għal ħajja ta’ dejjem. Agħtiha, o Mulej, il-mistrieħ ta’ dejjem …
Ikkummenta