Avviżi – 06.07.2025 – L-14-il Ħadd ta’ matul is-Sena
- It-Tlieta 08/07:
- Fis-7.15pm jiltaqa’ l-Kunsill Pastorali Parrokkjali fiċ-Ċentru.
- Il-Ħamis 10/07:
- Fis-7.00pm ikollna mument ta’ adorazzjoni quddiem Ġesu’ sagramentat fil-Knisja.
- Il-Ġimgħa 11/07:
- Fis-7.30pm – Laqgħa għall-fratelli fiċ-Ċentru bi tħejjija għall-festa.
- Is-Sibt 12/07:
- Fis-6.30pm – Il-quddiesa tkun bis-sagrament taż-żwieġ.
- Il-Ħadd 13/07:
- Il-ġabra fil-quddies tkun dik magħrufa bħala “tal-Qamħ” għall-ispejjeż tal-festa ta’ ġewwa.
- Avviżi oħra:
- F’dawn il-jiem se tirċievu fid-djar fuljett b’informazzjoni utli mill-parroċċa. Tajjeb nieħdu nota tat-tagħrif li se jitwasslilna. Mezz ieħor ta’ informazzjoni għalikom hi l-paġna ta’ facebook tal-parroċċa, fejn ikun hemm ukoll l-avviżi ta’ kull ġimgħa.
- Il-Kumitat Festa Esterna se jibda l-ġbir bieb bieb tal-envelope bl-offerta tagħna għall-festa ta’ barra. Dettalji tal-ispejjeż u aktar informazzjoni fil-fuljett li se jitqassam fi djarkom u li miegħu hemm l-envelope. Inħeġġiġkom tikkooperaw u tkunu ġenerużi.
- L-Erbgħa 16/07 ser ikollna ħarġa ta’ ġurnata għal Għawdex. Tluq minn Ħad-Dingli fis-7.00am. Il-ħarġa tinkludi quddiesa fis-Santwarju tal-Madonna Ta’ Pinu, waqfa fir-Rabat, ikel u għawm f’Marsalforn. Kitba għand il-membri tal-fund-raising jew fis-sagristija.
- It-Tlieta 22/07, Festa ta’ Santa Marija Maddalena – Fis-7.30pm – Quddiesa mmexxija mill-Isqof Awżiljarju, Mons. Joseph Galea Curmi, quddiem il-kappella fuq l-irdum. Wara jkollna attività soċjali. Il-biljetti għall-ikel jinsabu għall-bejgħ mis-sagristija jew ikkuntattjaw lill-membri tal-Kumitat tal-Festa.
- Infakkru li l-Grupp Familji Nsara Sagra Familja tal-parroċċa qed jorganizza edizzjoni oħra tal-Premju Joseph Lowell għall-Familja. Dan il-premju jingħata kull sena lil xi persuna jew familja fil-parroċċa tagħna li qed iwettqu ħidma fost il-familji, anke fis-silenzju. Nominazzjonijiet għal dan il-premju bid-dettalji kollha għandhom jingħataw lill-Arċipriet. Ir-rebbieħ jitħabbar f’Jum il-Familja, fil-ġimgħa tal-festa.
- Issa li bil-mod il-mod qed toqrob il-festa, xtaqt ninfurmakom bil-quddiem b’xi inizjattivi:
- L-Erbgħa 30/07 ssir il-Mixja tal-Festa li din is-sena ser tkun lejn il-kappella tal-Madonna tal-Providenza, fis-Siġġiewi;
- Il-Ġimgħa 15/08 isir il-Pellegrinaġġ bil-muturi li jitlaq fl-9.45am mill-Imġarr u jintemm f’Ħad-Dingli. Din is-sena bħala ġest ta’ solidarjetà ser ngħinu l-ħidma ta’ Caritas Malta, kemm f’dan il-pellegrinaġġ u kif ukoll fil-ġabra tal-karita’ li sssir fil-knisja.
- Għall-aħħar parti tal-purċissjoni f’jum il-festa qed nerġgħu nistiednu lit-tfal biex jakkumpanjaw lill-banda bil-kant ta’ Innijiet Marjani. Għalhekk qed nagħmlu sejħa lit-tfal minn 7 snin ’il fuq biex jieħdu sehem. Dettalji dwar l-ewwel rehearsal ser jingħataw fl-avviżi tal-ġimgħa d-dieħla.
- Qed nistiednu wkoll lil min jista’ jgħin fi ġbid ta’ ritratti u filmati fil-jiem tal-festa biex javviċinana ħalli nkomplu norganizzaw ruħna aktar f’dan l-aspett li tieħu ħsieb il-Kummissjoni Pastorali Diġitali. Dawk li jixtiequ jgħinu jkellmu lill-Arċipriet.
- Matul din il-ġimgħa daħlu:
- € 215 bħala donazzjonijiet b’risq il-manutenzjoni tal-knisja. Grazzi.
- Nitolbu għal ruħ Victor Xerri li għadda għal ħajja ta’ dejjem. Agħtih, o Mulej, il-mistrieħ ta’ dejjem …
Ikkummenta