Avviżi – 10.08.2025 – Id-19-il Ħadd ta’ matul is-Sena
- Illum 10/08:
- Aħna mistiedna nkunu ta’ għajnuna għal ħaddieħor billi nagħtu d-demm bejn it-8.30am u s-1.00pm. L-għoti tad-demm ser isir fil-Mobile Blood Donation Unit ħdejn il-Knisja. Meħtieġa l-karta tal-identità.
- It-Tnejn, 11/08:
- Fil-quddiesa tas-6.30pm jiġu ppreżentati lil Santa Marija t-trabi li twieldu fl-aħħar sena. Mistiedna wkoll il-koppji li qed jistennew tarbija.
- It-Tlieta, 12/08:
- Fis-6.30 p.m. quddiesa li matulha niftakru b’mod speċjali f’ħutna li mietu fl-aħħar sena. Qrabathom mistiedna jattendu u jiftakru fihom fit-talb.
- L-Erbgħa, 13/08:
- Mit-8.00am ‘il quddiem jsir il-ħasil tal-knisja. Napprezzaw l-għajnuna ta’ kull min jista’ għal din il-biċċa xogħol tant meħtieġa.
- Fis-5.45pm ikollna servizz ta’ qrar u fil-quddiesa tas-6.30pm, li se tkun tal-Ewwel Jum tat-Tridu, se niċċelebraw ma’ Fr Carmelo Sacco, Salesjan, li qed ifakkar il-50 sena mill-ordinazzjoni saċerdotali tiegħu.
- Din is-sena, il-ħsibijiet fil-quddiesa ewlenija tat-tliet ijiem tat-tridu tal-festa tagħna ser isiru minn Fr Eric Cachia, Provinċjal tas-Salesjani.
- Il-Ħamis, 14/08:
- Fid-9.30am tiġi ċċelebrata quddiesa għall-anzjani u l-morda tal-parroċċa. Jekk hawn xi anzjani li għandhom bżonn trasport, anke dawk b’wheelchair, mitluba jinkitbu mill-aktar fis fid-Day Centre.
- Filgħaxija jkollna servizz ta’ qrar fis-5.45 u l-quddiesa tal-Vġili ta’ Santa Marija tibda fis-6.30pm
- Il-Ġimgħa 15/08: L-Għid tal-Assunta
- F’din is-solennità għandna l-obbligu li nieħdu sehem fil-quddiesa u għalhekk il-ħinijiet tal-quddiesa ser ikunu bħal tal-Ħadd, ħlief tad-9.30am li se tibda kwarta qabel, fid-9.15am. F’din il-quddiesa se nfakkru l-50 anniversarju mit-twaqqif tal-Grupp Familji Nsara Sagra Familja. Inħeġġu b’mod speċjali lill-membri ta’ dan il-grupp biex jattendu kif ukoll lill-koppji li din is-sena jagħlqu 60, 50, 25 jew 10 snin miżżewġin u lil dawk li ngħaqdu fis-sagrament taż-żwieġ fl-aħħar sena.
- Nhar il-Ġimgħa wkoll qed nistiednu ‘l min għandu mutur biex jieħu sehem fil-pellegrinaġġ tal-muturi li jitlaq minn fuq iz-zuntier tal-Imġarr fl-09.45am u jasal ħdejn il-knisja ta’ Ħad-Dingli ftit qabel il-11.00 fejn isir it-tberik tas-sewwieqa.
- Is-Sibt 16/08: Lejlet il-Festa
- Il-quddiesa tas-7.30am, tibda fit-8:00am, u fiha jitkanta t-Te Deum f’għeluq l-Kwindiċina. Is-Sibt ser ikollna servizz ta’ qrar fit-8.30am u fil-5.30pm. Filgħaxija jkollna quddiesa waħda li tibda fis-7.00, peress li fis-6.00 tibda t-translazzjoni solenni tar-Relikwa tal-Madonna mill-M.U.S.E.U.M. tas-subien sal-knisja.
- Il-Ħadd 17/08: Jum il-Festa
- Qed nagħmlu stedina speċjali lil kulħadd biex fil-festa nieħdu sehem flimkien bħala komunita’ parrokkjali fil-quddiesa solenni li tibda fid-9.15am. Din il-quddiesa se titmexxa mill-Kardinal Mario Grech. Il-quddiesa li soltu tibda fil-11.00 am, fil-festa tibda fil-11.15am.
- Filgħaxija, għas-6.45 ninġabru barra l-Knisja biex nilqgħu l-istatwa ta’ Santa Marija fil-ħruġ tal-purċissjoni. Id-dħul lura fil-Knisja jsir għall-10.15.
- Avviżi oħra:
- Inħeġġukom issegwu l-programm tal-festa li tqassam fi djarkom u l-paġna ta’ facebook tal-parroċċa fejn issibu d-dettalji kollha, kemm tal-festa ta’ ġewwa kif ukoll taċ-ċelebrazzjonijiet fuq barra.
- Napprezzaw l-għajnuna finanzjarja ta’ kulħadd biex inkopru l-ispejjeż tal-festa. Għalhekk inħeġġukom li ġġibu l-envelope bl-offerta għall-festa ta’ ġewwa li tqassam mal-programm u tħalluh waqt il-ġbir fil-knisja jew fil-kaxxa fuq il-mejda tal-offerti.
- L-Arċipriet qed jilqa’ offerti mingħand għaqdiet u individwi għall-bukketti ta’ imħabba lil Santa Marija; dawn imorru għall-ispejjeż tal-fjuri ħdejn l-istatwa u fil-knisja.
- Dawk li bbukkjaw għall-ġurnata Sqallija, is-Sibt 6/9, se jintalbu jħallsu wara l-festa u se jiġu avżati individwalment. Il-bookings qed jintlaqgħu fis-sagristija.
- Minn fuq iz-zuntier tal-knisja għandna għall-bejgħ t-shirts u souvenirs tal-festa.
Ikkummenta