Avviżi – 15.08.2025 – Is-Solennita’ tat-Tlugħ fis-Sema tal-Madonna
- Illum, 15/08:
- Il-ħinijiet tal-quddiesa huma bħal tal-Ħadd, ħlief tad-9.30am li se tibda kwarta qabel, fid-9.15am. F’din il-quddiesa se nfakkru l-50 anniversarju mit-twaqqif tal-Grupp Familji Nsara Sagra Familja. Mistiedna speċjali l-membri tal-grupp u l-koppji li din is-sena qed jiċċelebraw is-60, 50, 25 jew 10 snin miżżewġin u dawk li ngħaqdu fis-sagrament taż-żwieġ fl-aħħar sena.
- Illum ukoll qed nistiednu ‘l min għandu mutur biex jieħu sehem fil-pellegrinaġġ tal-muturi li jitlaq minn fuq iz-zuntier tal-Imġarr fl-09.45am u jasal ħdejn il-knisja ta’ Ħad-Dingli ftit qabel il-11.00 fejn isir it-tberik tas-sewwieqa.
- Is-Sibt 17/08: Lejlet il-Festa
- Il-quddiesa tas-7.30am, tibda fit-8:00am, u fiha jitkanta t-Te Deum f’għeluq l-Kwindiċina. Is-Sibt ser ikollna servizz ta’ qrar fit-8.30am u fil-5.30pm. Filgħaxija jkollna quddiesa waħda li tibda fis-7.00, peress li fis-6.00 tibda t-translazzjoni solenni tar-Relikwa tal-Madonna mill-M.U.S.E.U.M. tas-subien sal-knisja fejn ikollna l-kant tal-ewwel għasar. Il-quddiesa ta’ filgħaxija se titmexxa minn Monsinjur Hector Scerri.
- Il-Ħadd 18/08: Jum il-Festa
- Qed nagħmlu stedina speċjali lil kulħadd biex fil-festa nagħnlu mezz u nieħdu sehem fil-quddiesa solenni li tibda fid-9.15am. u li se titmexxa mill-Kardinal Mario Grech. Jixraq li bil-preżenza tagħna nagħtuh merħba sabiħa fostna. Għall-morda u dawk li għal xi raġuni ma jistgħux jieħdu sehem fil-Knisja, din il-quddiesa se tixxandar dirett fuq il-paġna ta’ facebook tal-parroċċa u fuq l-istazzjon UTV.
- Filgħaxija, għas-6.45 ninġabru barra l-Knisja biex nilqgħu l-istatwa ta’ Santa Marija fil-ħruġ tal-purċissjoni. Id-dħul lura fil-Knisja jsir għall-10.15.
- Avviżi oħra:
- L-Arċipriet qed jilqa’ offerti mingħand għaqdiet u individwi għall-bukketti ta’ imħabba lil Santa Marija. Dawn imorru għall-ispejjeż tal-fjuri ħdejn l-istatwa u fil-knisja.
- Fis-sagristija qed jintlaqgħu bookings għall-ġurnata Sqallija li se tiġi organizzata s-Sibt 06/09.
- Għall-festa ta’ din is-sena, il-parroċċa lestiet iż-żebgħa tal-kor u l-kappelluni; inawgurat żewġ niċeċ ġodda fil-kappelluni; kompliet l-installazzjoni ta’ sistema ġdida ta’ dawl għall-Knisja fejn tlestew is-saqaf u l-altari tan-navi; it-tlestija tal-manutenzjoni u r-restawr tal-bibien tal-Knisja u l-aperturi ta’ twieqi tas-sagristija u kamra fuqha; it-tindif u l-irranġar ta’ ħsara fil-fjuretti u l-girlanda tal-ganutell tal-istatwa titulari; manutenzjomni u zebgħa mill-ġdid tal-bibien tas-sagristiji; it- tisbiħ tas-sagristija prinċipali fosthom b’armarju u niċċa ġdida; u t-tkabbir tal-bitħa ta’ Dar Dun Ġwann Abela. Fil-parti t’isfel tal-Knisja, il-Kumitat Festa Esterna qiegħed juri x-xogħol lest fuq l-ewwel fażi ta’ 4 trofej ġodda li se jsiru għall-pjazza ta’ ħdejn il-Knisja. Fuq barra, tlesta kanċell dekorattiv u protettiv għall-pedestall tal-Papa Piju XII. Grazzi lil kulħadd tal-koperazzjoni u l-offerti biex isiru dawn il-proġetti.
Ikkummenta