Avviżi – 25.06.2023 – It-12-il Ħadd ta’ matul is-Sena
- Illum 25/06:
- Minn fuq iz-zuntier għandna għall-bejgħ ħelu tradizzjonali Malti.
- Fis-6.30pm – Quddiesa quddiem il-kappella ta’ Santa Marija Maddalena, fuq l-irdum, u wara tberik tal-pets fil-bidu tal-attività ’Il-Bidwi jsellem is-Sajf’ li tibqa’ għaddejja sa’ tard filgħaxija.
- It-Tnejn 26/06:
- Se norganizzaw trasport għat-Trade Fair fl-MFCC, Ta’ Qali. It-trasport jitlaq minn Ħad-Dingli fis-6.00pm. Dawk interessati għandhom jinkitbu għand il-membri tal-fund-raising tal-parroċċa.
- L-Erbgħa 28/06:
- Mit-8.00pm ‘il quddiem il-Kumitat Festa Esterna jorganizza l-fiera tal-Imnarja bħala parti mill-attivitajiet organizzati fil-Buskett.
- Il-Ħamis 29/06, Solennità ta’ San Pietru u San Pawl – L-Imnarja:
- Tajjeb li nqaddsu dan il-jum bis-sehem tagħna fil-quddies. Il-ħinijiet ser ikunu bħal ta’ matul il-ġimgħa, imma ser tiżdied quddiesa fit-8.30 am.
- L-Arċipriet, il-Kan. David Farrugia, jiċċelebra d-19-il sena minn mindu sar saċerdot filwaqt li Dun Christopher Bugeja jiċċelebra t-3 snin minn mindu sar saċerdot. Nifirħulhom u nawgurawlhom, u nkomplu nwiegħduhom it-talb u l-koperazzjoni.
- Fis-6.00am l-Arċipriet se jiċċelebra quddiesa fil-Buskett (fiż-żona ta’ quddiem l-għar); u
- Mis-7:30am sa nofsinhar – Il-Kumitat Festa Esterna jkompli bil-fiera tal-Imnarja.
- Il-Ħadd 02/07:
- Ġabra speċjali li tmur b’risq il-manutenzjoni tal-koppla minn ġewwa. Grazzi.
- Avviżi oħra:
- Min jixtieq jirreklama fil-ktieb tal-festa għandu jkellem lill-Arċipriet sal-Ħadd li ġej.
- Fil-weekend li ġej (mill-Ġimgħa 30/06 sal-Ħadd 2/07) ser issir il-Maratona tal-Volleyball fil-parkeġġ tad-Dar tal-Providenza b’risq il-ħidma tal-istess dar.
- Il-Ġimgħa 7/07 – Filgħaxija ser ikollna Bar-B-Q għall-familja kollha, li jinkludi wkoll tombla. Dan ser isir fil-pjazza ħdejn il-Knisja. Booking miftuħ fis-sagristija.
- Matul din il-ġimgħa daħlu:
- € 700 bħala “l-Offerta ta’ San Pietru”, jiġifieri offerta li tmur f’fond li jamministra l-Papa u li bih jagħmel għotjiet ta’ karità. Nirringrazzjawkom.
Ikkummenta