Avviżi – 18.06.2023 – Il-11-il Ħadd ta’ matul is-Sena
- Illum 18/06:
- Fid-9.00am isir it-tberik tal-oqbra fiċ-ċimiterju fl-okkażjoni ta’ Jum il-Missier. Fil-quddiesa tad-9.30am li tkun bis-sehem tat-tfal se niftakru b’mod speċjali fil-missirijiet ħajjin u mejtin.
- Ikollna wkoll bejgħ ta’ doughnuts minn fuq iz-zuntier b’risq il-Kummissjoni Tfal.
- Mill-4.00pm sat-8.30pm – Il-Konkatidral ta’ San Ġwann, fil-Belt Valletta, se jkun miftuħ f’okkażjoni oħra għall-pubbliku biex igawdi mingħajr ħlas l-Arazzi tal-Granmastru Perellos, bi żjarat gwidati.
- It-Tlieta 20/06, l-Erbgħa 21/06, u l-Ħamis 22/06 – Bejn l-4.30pm u s-7.00pm, il-fotografu tal-parroċċa ser ikun fiċ-Ċentru Parrokkjali biex jilqa’ l-ordni tar-ritratti taċ-ċelebrazzjoni tal-Ewwel Tqarbina. F’dawn il-jiem jistgħu jinġabru wkoll il-pendrives bil-filmat tal-istess ċelebrazzjoni.
- Il-Ħamis 22/06:
- Wara l-quddiesa ta’ filgħaxija jkollna mument ta’ adorazzjoni quddiem Ġesu’ sagrpamentat.
- Il-Ħadd 25/06:
- Il-ġbir fil-quddies tkun il-Ġabra tal-Imnarja, għall-bżonnijiet tal-festa ta’ barra.
- Fis-6.30pm – Quddiesa quddiem il-Kappella ta’ Santa Marija Maddalena, fuq l-irdum, u wara tberik tal-pets fil-bidu tal-attività ’Il-Bidwi jsellem is-Sajf’ li tibqa’ għaddejja sa’ tard filgħaxija.
- Avviżi oħra:
- Il-rivista FLIMKIEN għax-xhur Ġunju-Lulju waslet u tistgħu tiġbruha minn ħdejn il-bibien tal-Knisja intom u ħerġin. Inħeġġukom tieħdu kopja għall-familja tagħkom.
- It-Tnejn 26/06 se norganizzaw trasport għat-trade fair fl-MFCC, Ta’ Qali. It-trasport jitlaq minn Ħad-Dingli fis-6.00pm. Dawk interessati għandhom jinkitbu għand il-membri tal-fund-raising tal-parroċċa.
- Qed nagħmlu sejħa għal abbatini ġodda. Tfal subien li huma mħajrin – minn dawk li għamlu l-Preċett ’il fuq – jistgħu jinkitbu fis-sagristija jew jinfurmaw lill-Arċipriet jew lil Dun Christopher Bugeja.
- Matul din il-ġimgħa daħlu:
- € 10 bħala donazzjonijiet b’risq il-manutenzjoni tal-koppla. Grazzi.
Ikkummenta