Mattew 9:9-13
Huwa u għaddej minn hemm, Ġesù ra wieħed bilqiegħda quddiem il-mejda tat-taxxi; kien jismu Mattew. “Ejja warajja,” qallu. Dak qam u mar warajh. U ġara li, kif qagħad għandu għall-mejda, ġew bosta pubblikani u midinbin u qagħdu madwar il-mejda ma’ Ġesù u d-dixxipli tiegħu. Meta raw dan il-Fariżej qalu lid-dixxipli: “Għaliex jiekol mal-pubblikani u l-midinbin l-Imgħallem tagħkom?” Hu semagħhom, u qal: “It-tabib ma jeħtiġuhx dawk li huma f’saħħithom, iżda l-morda. Mela morru tgħallmu x’jiġifieri, ‘Ħniena rrid, u mhux sagrifiċċju’; għax mhux lill-ġusti ġejt insejjaħ, iżda lill-midinbin.”
Diskussjoni
1. Laqtgħek il-fatt li Mattew jitlaq kollox f’ħakka t’għajn?
2. Kien hemm xi punt f’ħajtek li weġibt għal xi sejħa tal-Mulej. Kif?
3. X’tifhem biha: ‘Ħniena rrid, u mhux sagrifiċċju?
4. Tħossok marid?
Ikkummenta