Avviżi – 01.01.2023 – Solennità ta’ Marija Omm Alla u Jum il-Paċi
- Illum 01/01, Solennità ta’ Marija Omm Alla u Jum il-Paċi:
- L-Arċipriet jingħaqad ma’ Monsinjur Louis Camilleri, Dun Christopher Bugeja, il-komunita’ Salesjana, u l-membri tal-Kunsill Parrokkjali biex nawgurawlkom ilkoll is-Sena t-Tajba.
- Il-ħinijiet tal-quddies ikunu bħal tal-Ħadd, b’dik ta’ filgħaxija tkun fil-5:00pm.
- Fl-għodwa tas-Sibt tħabbret il-mewt tal-Papa Emeritu Benedittu XVI. Il-funeral ser isir fil-Vatikan nhar il-Ħamis fid-9.30 a.m. Bħala parroċċa, lejliet, jiġifieri nhar l-Erbgħa filgħaxija, wara l-quddiesa ta’ filgħaxija fil-Knisja ser isir mument ta’ talb u adorazzjoni quddiem Ġesu’ Sagramentat b’radd il-ħajr lil Alla għall-ħajja tal-Papa Emeritu Benedittu XVI u għall-ġid li għamel lill-Knisja.
- Nhar l-Erbgħa 04/01:
- Il-judges tal-kompetizzjoni tal-isbaħ presepju u tal-isbaħ tieqa ta’ dar ser iduru lill-parteċipanti mis-6.00 pm ‘il quddiem.
- Il-Ġimgħa 06/01, l-Ewwel Ġimgħa tax-xahar:
- Filgħodu jsir it-tqarbin tal-morda fi djarhom;
- Fit-8:30am u fis-5:45pm – servizz ta’ qrar fil-Knisja.
- Is-Sibt 07/01:
- Fis-5:45pm – Quddiesa mmexxija minn Monsinjur Arċisqof Charles Scicluna fil-Konkatidral ta’ San Ġwann, il-Belt, u li għaliha huma mistiedna b’mod speċjali l-koppji li żżewġu fl-2022.
- Il-Ħadd 08/01, Solennità tal-Epifanija tal-Mulej.
- Fid-9:15 – Purċissjoni qasira flimkien mal-Maġi mill-Kappella tal-Adorazzjoni tal-Oratorju Sależjan lejn il-Knisja, li tagħti bidu għall-Quddiesa tad-9:30am. Ġenituri u tfal, flimkien ma’ dawk li ġew joqgħodu ġodda fil-parroċċa tagħna, mistiedna jattendu għal din il-quddiesa b’mod speċjali.
- Il-ġabra fil-quddiesa tkun speċjali għall-ispejjeż li l-parroċċa trid tħallas biex issir il-manutenzjoni tal-koppla minn ġewwa. Issa wasalna fil-fażi li tibda tiġi applikata ż-żebgħa u l-irtokki fl-induratura.
- Avviżi oħra:
- Infakkar li l-Uffiċċju Parrokkjali jkun magħluq fil-jiem li ġejjin u jerġa’ jiftaħ fit-Tnejn 9/01/23.
- Dawk li għadhom ma tawx id-donazzjoni għad-Dar tal-Providenza bħala parti mill-Kampanja “Minn Qalbna lill-Anġli” jistgħu jħallu l-envelope tagħhom fil-kaxxa li hemm fuq il-mejda tal-offerti. L-amministrazzjoni tad-Dar tal-Providenza ntant qed tistieden lil kulħadd biex illum iżur id-dar waqt Open Day. Il-flus miġbura mill-parroċċa tagħna se jiġu ppreżentati l-lejla.
- Il-biljetti tal-lotterija organizzata mill-Kumitat Festa Esterna qed jintlaqgħu sal-lum fil-kaxxa fuq il-mejda tal-offerti. Il-lotterija titla’ t-Tnejn.
- Matul din il-ġimgħa daħlu:
- € 40 bħala donazzjonijiet b’risq il-proġett tal-manutenzjoni tal-koppla. Grazzi.
Ikkummenta