avvizi parrocca

Avviżi – 20.08.2023

Avviżi – 20.08.2023 – Jum il-Festa Titulari ta’ Santa Marija

 

  1. L-Arċipriet flimkien mal-Kleru, il-Komunita’ Salesjana, il-Kunsill Pastorali Parrokkjali u l-Kumitat Festa Esterna jawguraw lil kulħadd il-FESTA T-TAJBA.   Ippermettuli ħsiebi jmur ukoll llum f’dawk li għandhom xi familjari morda kemm fid-djar u fl-isptarijiet, u fl-emigranti.  Wasslu t-tislijiet tiegħi lil dawn ħutna kollha u lill-familjari tagħhom.
  2. Il-quddiesa solenni ta’ jum il-festa tibda fid-9.15 am u se titmexxa min-Nunzju Appostoliku għal Malta. Jixraq li nieħdu sehem flimkien f’din iċ-ċelebrazzjoni bħala komunita’ parrokkjali.  Il-quddiesa li soltu tkun fil-11.00, tibda fil-11.15. 
  3. Infakkrukom fl-importanza li ma nipparkjawx vetturi fit-toroq li minnhom tgħaddi l-purċissjoni bl-istatwa titulari ta’ Santa Marija.  Napprezzaw twasslu dan l-appell ukoll lill-qraba tagħkom.  
  4. Il-purċissjoni bl-istatwa ta’ Santa Marija toħroġ fis-7.00 p.m.  Għall-ħabta tal-10.00 p.m. imbagħad nerġgħu niltaqgħu quddiem il-knisja għad-dħul tal-purċissjoni u l-kant tal-Innu l-Kbir.  Wara, inħeġġiġkom biex inkunu flimkien fil-Knisja biex nirċievu l-Barka Sagramentali.
  5. Il-quddiesa ta’ nhar it-Tnejn fis-6.00 a.m. ma ssirx u l-ġimgħa d-dieħla l-Uffiċċju Parrokkjali jkun magħluq. 
  6. Mit-tmiem tal-festa, il-Ħadd filgħaxija stess, u nhar it-Tlieta u l-Erbgħa jkollna bżonn ħafna għajnuna kemm fiż-żarmar fil-knisja u fuq barra, fit-tiwi tad-damask u fit-tindif.  Napprezzaw ħafna dik id-daqqa t’id li tistgħu toffru.  Tiddejqux tavviċinawna.
  7. It-Tnejn, l-għada tal-festa, ikollna ħarġa ta’ ġurnata baħar, Little Armier.  It-tluq ikun fit-8.30 a.m.  U nhar l-Erbgħa ser ikollna ħarġa ta’ ġurnata għal Għawdex bit-tluq minn Ħad-Dingli jkun fis-6.30 a.m. u se mmorru n-Nadur u wara ikel u għawm Marsalforn. Trasport jitlaq minn ħdejn l-għassa.  Kitba għal dawn l-attivitajiet għand il-membri tal-fund-raising.   
  8. Avviżi oħra:
    • Infakkru lil min għadu ma tax is-sehem tiegħu għall-festa ta’ ġewwa biex ma joqgħodx lura.  Jista’ jħalli l-envelope fil-Knisja waqt il-ġbir jew fil-kaxxa fuq il-mejda tal-offerti.
    • Fl-aħħar jiem:
      • 24 persuna resqu biex jagħtu d-demm il-Ħadd li għadda;
      • 19-il hamper tqassmu lill-persuni fil-bżonn permezz tal-oġġetti li ġibtu l-knisja;
      •  € 1,120 nġabru fi tmiem il-ġimgħa li għaddiet bħala l-ġabra ta’ karita’ fi żmien il-festa li se tinqasam bejn Patri George Scerri għall-missjoni tiegħu fil-Peru u l-Fondazzjoni Arka li taħdem mal-persuni b’diżabilita;
      •  € 130 daħlu bħala donazzjonijiet għall-proġett tal-manutenzjoni tal-koppla.  Prosit u grazzi.
close

Żomm ruħek aġġornat/a 👋
Ingħaqad mal-mailing list tal-Parroċċa

Aħna nieħdu ħsieb id-dettalji tiegħek u nimxu mar-regoli kollha tal-GDPR. Aqra l-privacy policy tagħna.

Ikkummenta

This site uses Akismet to reduce spam. Learn how your comment data is processed.